Os profesionais do desenvolvemento local reúnense en Muxía

12 Xaneiro, 2012 Os profesionais do desenvolvemento local reúnense en Muxía

Esta fin de semana celebrarase na Casa de Trillo, en Muxía, unha reunión de traballo á que asistirán axentes de emprego e desenvolvemento local da Costa da Morte, base asociativa da Asociación Finisterrae de Profesionais de Desenvolvemento Local (AFIPRODEL), Rosa Leis, en representación da asociación de desenvolvemento galega ADTERRA e os profesores Ricardo García Mira, da Universidade da Coruña e Rubén Lois, da Universidade de Santiago de Compostela.

Esta reunión foi organizada co obxectivo de traballar na formulación dun proxecto piloto para desenvolver durante o ano 2012 dentro do eido do desenvolvemento local na Costa da Morte. A proposta que xurda do grupo de traballo será presentada á Dirección Xeral de Promoción do Emprego, cuxo director, Andrés Hermida, en reunións previas con persoal de AFIPRODEL, manifestou a súa vontade de recibir proposicións sobre o tema.

Tense previsto traballar sobre tres liñas prioritarias:

-A coordinación das administracións públicas que traballan nun territorio (oficinas de emprego, extensión agraria, concellos,…)

-Facer visible o traballo das Axencias de Desenvolvemento Local

-Crear territorios proclives ao florecemento da actividade económica

Será este último, o punto principal sobre o que se reflexionará e traballará ao longo destes tres días.

Para máis información:

AFIPRODEL

ADTERRA

Etiquetas:ADLs, ADTERRA, Afiprodel, axentes de desenvolvemento local, Axentes de emprego

• 1 comentario
• Publicado en Actualidade, Desenvolvemento Local, Desenvolvemento Rural, Eventos