Skip to content

Grupo de Desenvolvemento Rural Costa da Morte

O blogue da asociación GDR Costa da Morte


O Consello de Ministros ven de aprobar o pasado venres, 20 de xaneiro, o novo Real Decreto que modifica a normativa de pagos directos da Política Agraria Común (PAC). Este Real Decreto contempla a incorporación ao pago único da maior parte das axudas dos sectores gandeiro e agrícola a partir deste ano, como consecuencia do “desacoplamento” das subvencións á producción.

Segundo afirman dende o propio Ministerio de Agricultura, Alimentación e Medio Ambiente, esta nova regulación mellora a simplificación dos trámites administrativos, de xeito que os gandeiros e agricultores só precisarán presentar unha única solicitude para todos os réximes de axuda que soliciten, incluído o réxime de pago único.

Este novo Real Decreto establece que a partires do 1 de febreiro e ata o 30 de abril de 2012, os agricultores e gandeiros poderán solicitar tres tipos de axudas:

-As de Réxime de Pago Único

-As axudas que quedan ligadas á producción

-Axudas específicas do artigo 68 do Regulamento 73/2009

España contará para este ano cun presuposto para axudas directas de máis de 5.200 millóns de euros.

Ao longo deste ano, “desacóplanse” a prima do arranque do viñedo do 2010, a prima do cultivo das proteaxinosas, a axuda específica ao arroz, a axuda por superficie aos froitos de casca, a axuda para a transformación de forraxes desecados, a das sementes e a prima por sacrificio de gando bovino, pasando todas elas ao Réxime de Pago Único.

Catro sectores ligados á producción

A maioría dos pagos directos pasan a ser desacoplados, quedando catro réximes de axuda ligados á producción, á axuda específica ao cultivo de algodón, á axuda aos productores de remolacha azucreira, á axuda nacional aos froitos de casca e a prima por vaca nutriz.

Ademais, trece sectores, con seis programas para a actividade agrícola e sete para a gandeira, recibirán unha axuda específica de acordo coa normativa comunitaria, que permite certo grao de manobra sobre a distribución de axudas a cada país.

Para dar a coñecer estas modificación, asignaráselle e comunicaráselle aos gandeiros e agricultores, antes do próximo 31 de xaneiro, os dereitos provisionais de pago único derivados dos pagos acoplados que recibiron por estes sectores no período de referencia.

Este texto recolle a normativa vinculante, así como os acordos alcanzados en Conferencia Sectorial de Agricultura e Desenvolvemento Rural e foi consensuado cos responsables das Comunidades Autónomas e as organización profesionais sectoriais.

Para máis información:

BOE

Etiquetas: , , ,

%d bloggers like this: