1 Febreiro, 2012 Axudas ao cooperativismo
Este ano 2012 foi declarado, na 64ª reunión da Asemblea Xeral das Nacións Unidas, Ano Internacional do Cooperativismo, un recoñecemento que pon de manifesto a importancia do movemento cooperativo nun contexto de crise como é o actual.
O cooperativismo ofrece unha alternativa de negocio máis xusta e democrática e dalle a oportunidade ás persoas de menos recursos de ter unha empresa xunto con outras persoas, poñendo en valor principios como o desenvolvemento integral das persoas e a participación nos procesos socioeconómicos da sociedade na que vivimos.
Axudas e Subvencións ao Cooperativismo
A Xunta ven de publicar no DOG a “orde do 31 de decembro de 2011 pola que se procede á convocatoria de axudas dos programas de fomento do emprego en empresas de economía social e de promoción do cooperativismo para o ano 2012”.
Estas axudas pretenden promover a incorporación de persoas desempregadas ás entidades de economía social e apoiar este tipo de empresas mellorando a súa competitividade e promocionando o cooperativismo.
A promoción do cooperativismo realizarase a través de 5 programas:
-Fomento do emprego en cooperativas e sociedades laborais.
-Mellora da competitividade en cooperativas e sociedades laborais.
-Impulso de proxectos empresariais cooperativos e asistencia técnica.
-Fomento do acceso á condición de socio/a traballador/a.
-Actividades de promoción do cooperativismo.
O orzamento total para o financiamento dos programas é de 2.771.000 euros. As persoas interesadas teñen ata o 20 de febreiro para presentar as solicitudes de axudas.
Para máis información e solicitudes:
–Convocatoria das axudas
–Bases reguladoras dos programas
Etiquetas: Axudas, cooperativismo
Grupo de Desenvolvemento Rural Costa da Morte 
Deixar unha resposta