Skip to content

Grupo de Desenvolvemento Rural Costa da Morte

O blogue da asociación GDR Costa da Morte


A Consellería do Medio Rural e Mar facía público no DOG do pasado 31 de Xaneiro a orde pola que se regulan as axudas directas a prácticas sostibles no medio rural. Espérase que arredor de 40.000 persoas se poidan beneficiar destes fondos destinados a apoiar prácticas sostibles en agricultura, gandaría e desenvolvemento rural na nosa comunidade.

Estes fondos divídense en 21 tipos de axudas diferentes para financiar prácticas sostibles e  son cofinanciadas polo Fondo Europeo Agrícola de Garantía (Feaga) e polo Fondo Europeo Agrícola de Desenvolvemento Rural (Feader).

Os dez tipos de axuda financiados polo Feaga teñen como obxectivo compensar aos agricultores e agricultoras as perdas de ingresos causadas pola baixada dos prezos do mercado e tamén polo aporte de bens públicos á sociedade que non valora o mercado.

Os outros once tipos de axudas, cofinanciados polo Feader, son pagos compensatorios pola zona na que se desenvolve a actividade agraria ou para compensar os custos adicionais e perdas de ingresos que tivo o agricultor debido ao compromiso adoptado na explotación para a mellora do medio ambiente.

Solicitude

O prazo de solicitude das axudas remata o vindeiro 30 de abril. O Fondo Galego de Garantía Agraria (FOGGA) encárgase de informar da apertura do prazo e de como deben tramitarse as solicitudes a todas as persoas interesadas.

Esta convocatoria inclúese na Orde da Consellería do Medio Rural e do Mar que regula a aplicación dos pagamentos directos á agricultura e á gandaría.

Para máis información:

DOG 31 de xaneiro

Etiquetas: , , , , ,

%d bloggers like this: