Grupo de Desenvolvemento Rural Costa da Morte

Xa podedes descargar o novo número do boletín informativo do proxecto de Cooperación Interterritorial Nuevos Horizontes.

Este mes, a publicación recolle a recente adhesión do GDR Costa da Morte a este proxecto, que ten como principal finalidade  impulsar iniciativas de emprego a través da posta en valor de terras agrarias, mediante a recuperación do patrimonio xenético vexetal e o fomento de novas produccións demandadas polos mercados.

Hoxe é un día moi especial para nós, porque xa conseguimos chegar ás 1.000 visitas!!! Foi o pasado 7 de outubro cando este proxecto botou a andar, e en pouco máis de 3 meses xa conseguimos alcanzar esta fermosa cifra. O balance é dificilmente inmellorable, e dende aquí queremos agradecer a vosa participación, porque sen vós isto non sería posible. Gracias a tod@s por estar aí!

A olería é, xunto co palillo e co liño, unha das mostras máis representativas da artesanía da Costa da Morte. O mellor exemplo atópase en Buño, no concello de Malpica. Alí podemos atopar auténticas obras de arte que gozan dun enorme prestixio dentro e fóra de Galicia. No portal www.concellomalpica.com/oleria podemos atopar información pormenorizada sobre esta actividade artesanal. Ademais, no seguinte vídeo podemos apreciar o fascinante que resulta modelar con barro figuras de todo tipo.

Velaquí vos deixamos un vídeo sobre a vixésima edición da Mostra do Encaixe de Camariñas, de interese turístico nacional. Impresionante o bo facer das palilleiras da Costa da Morte en xeral e das de Camariñas en particular!

A artesanía é un dos grandes valores da Costa da Morte, onde triunfan o palillo (Camariñas e Vimianzo, fundamentalmente), a cerámica (Buño), o liño (Zas) e maila confeción de sombreiros de palla (Mazaricos). A nosa primeira parada será no mundo do liño, unha materia prima moi apreciada pola súa elegancia.

En Zas, a asociación Amigos do Liño está a desenvolver dende hai uns anos unha notable labor de recuperación e dignificación do liño. Para conseguir o seu obxectivo, organizan exposicións periodicamente, puxeron en marcha o Museo do Liño e, unha vez ao ano, celebran unha comida tradicional semellante á que se facía durante as antigas fíadas, a base de migas, bacallau e papas de arroz.

E velaquí tedes algunha mostra do que se pode facer con liño…