Skip to content

Grupo de Desenvolvemento Rural Costa da Morte

O blogue da asociación GDR Costa da Morte

Category Archives: Uncategorized

O vindeiro martes, día 7, ás 19.00 horas terá lugar no Salón de Actos do Concello de Carnota a presentación do libro Ruta a pé pola Costa da Morte. A obra recolle a ruta que vai dende Malpica ata Muros, bordeando a pé todo o litoral da Costa da Morte.

Ao acto asistirán os alcaldes de Dumbría, José Manuel Pequeño; Carnota, Ramón Noceda; e a alcaldesa de Muros, Caridad González. Tamén estarán apoiando o acto o presidente da Asociación Neria, Ramón Vigo, un técnico da mesma asociación e Xan García Pouso.

Os nosos compañeiros do GDR Bergantiños teñen organizado para o vindeiro xoves 26, no Pazo da Cultura de Carballo, a inauguración dunha exposición fotográfica que recolle as fotografías galardoadas e participantes na edición 2011 do I Concurso Fotográfico “Comarca Natural de Bergantiños”, organizado pola Asociación de Desenvolvemento da Comarca de Bergantiños.

A mostra estará aberta ao público ata o 26 de febreiro de 2012. O horario de apertura da sala de exposicións será de 18:00h a 21:00h de luns a domingo e a entrada é de balde.

Por motivos de aforo e organización, rógase confirmar asistencia ao acto de inauguración enviando un correo electrónico a info@adbergantinos.org antes do luns, 23 de xaneiro de 2012, ás 12:00h .

Etiquetas: , ,

Xa podedes descargar o novo número do boletín informativo do proxecto de Cooperación Interterritorial Nuevos Horizontes.

Este mes, a publicación recolle a recente adhesión do GDR Costa da Morte a este proxecto, que ten como principal finalidade  impulsar iniciativas de emprego a través da posta en valor de terras agrarias, mediante a recuperación do patrimonio xenético vexetal e o fomento de novas produccións demandadas polos mercados.

Continue reading this article ›

Visitar Galicia implica visitar o seu mar e coñecer a rica e vasta cultura mariñeira que forma parte indivisible do noso pasado, presente e futuro. Por iso, o turismo mariñeiro é unha boa proposta para achegarse e coñecer un pouco máis en profundidade as ricas tradicións, gastronomía, embarcacións, e, en definitiva,  costumes  que marcan as vidas das xentes da costa.

Continue reading this article ›

Etiquetas: ,

Hoxe é un día moi especial para nós, porque xa conseguimos chegar ás 1.000 visitas!!! Foi o pasado 7 de outubro cando este proxecto botou a andar, e en pouco máis de 3 meses xa conseguimos alcanzar esta fermosa cifra. O balance é dificilmente inmellorable, e dende aquí queremos agradecer a vosa participación, porque sen vós isto non sería posible. Gracias a tod@s por estar aí!

A olería é, xunto co palillo e co liño, unha das mostras máis representativas da artesanía da Costa da Morte. O mellor exemplo atópase en Buño, no concello de Malpica. Alí podemos atopar auténticas obras de arte que gozan dun enorme prestixio dentro e fóra de Galicia. No portal www.concellomalpica.com/oleria podemos atopar información pormenorizada sobre esta actividade artesanal. Ademais, no seguinte vídeo podemos apreciar o fascinante que resulta modelar con barro figuras de todo tipo.

Velaquí vos deixamos un vídeo sobre a vixésima edición da Mostra do Encaixe de Camariñas, de interese turístico nacional. Impresionante o bo facer das palilleiras da Costa da Morte en xeral e das de Camariñas en particular!

%d bloggers like this: